2 Julie 2021
Die kommissaris van die Suid-Afrikaanse Inkomstediens, Edward Kieswetter het gewaarsku dat die land se werksverliese ‘n geweldige stremming op die belastingbasis plaas.
Kieswetter sê die amptelike werkloosheidsyfer van 32,6% tesame met ‘n groot aantal maatskappy wat hulle deure sluit, gaan ‘n onmeetbare negatiewe invloed op die staat se koffers hê.
Hy sê met die derde vlaag Covid-19 uitbrekings se invloed op die ekonomie nog nie in berekening gebring nie, sal die inkomstediens en die land die toestand met ‘n valkoog moet dophou en deurgans aanpassings maak.
Ten spyt van al die negatiewe het hy bygevoeg dat die belasting-inkomste vir die 2021/22 boekjaar belowend lyk.
