22 November 2021
Die Suid-Afrikaanse Gesondheidsprodukte-beheerraad (SAHPRA) sê hy het op 17 November ‘n aansoek van Pfizer ontvang om moontlik binnekort te begin om ‘n versterkingsdosis van dié Covid-19-entstof toe te dien.
Dus sal dié aanvullende-dosis ‘n derde inspuiting wees omdat die Pfeizer-inenting twee dosisse bevat. SAHPRA het in ‘n kort verklaring gesê dat hy nou sal begin met die navorsing asook die nagaan van mediese-rekords om te bepaal hoe veilig en doeltreffend ‘n aanvullende dosis is.
Die uitkoms van die raad se ondersoek sal openbaar gemaak word sodra dit afgehandel is.
Intussen word gesondheidswerkers, wat deel vorm van die Sisonke-studie, reeds met Johnson en Johnson se versterkingsdosis ingespuit.
Stem vir die Aitsa’s
