4 November 2022
Die Suid-Afrikaanse Reguleringsowerheid vir Gesondheidsprodukte (Sahpra), sê hy ondersoek bewerings van onreëlmatige verkryging van hospitaalverbruiksgoedere en mediese toestelle by die Tembisa-hospitaal.
Volgens Sahpra word die aantyging gemaak dat die aankope in stryd was met die Wet op Medisyne en Verwante Stowwe.
Sahpra sê die hospitaal se hoof-uitvoerende beampte gee sy samewerking aan ondersoekbeamptes – wat ook nou met die polisie en die Spesiale Ondersoekeenheid saamwerk.
Die owerheid se uitvoerende hoof, dr Boitumelo Semete-Makokotlela sê Sahpra beskou openbare veiligheid as ‘n belangrike hoeksteen van sy mandaat.
Sy sê enige oortreding in terme van onetiese gedrag en die benadeling van openbare veiligheid sal ernstig opgeneem en volledig ondersoek word.
