4 November 2022
Prokureurs vir die beweerde brandstigter van die Parlementsgebou, Zandile Christmas Mafe, sê hulle sal dit oorweeg om hom vir sielkundige evaluering te verwys, maar is nog nie gereed om met die verhoor voort te gaan nie.
Mafe was in die hooggeregshof in Kaapstad vir die voorverhoorverrigtinge, nadat hy by vorige geleenthede versuim het om te verskyn en ook aan ‘n eetstaking deelgeneem het.
LEES OOK: SAAK TEEN ZANDILE MAFE UITGESTEL
Sy regspan het vroeër vanjaar suksesvol teen ‘n hofbeslissing appèl aangeteken wat beveel het dat hy vir dertig dae na die Falkenberg hospitaal gestuur word vir sielkundige waarneming.
Hy is in hegtenis geneem nadat ‘n brand in Januarie by die Parlement uitgebreek het, en na raming meer as R2-miljard skade aangerig het.
LEES OOK: DEPARTEMENT WEIER ‘N KETEL VIR “CHRISTMAS”
Die brand het groot dele van die Nasionale Vergadering in puin gelê en groot skade aan ander gebiede aangerig.
Mafe staan tereg op verskeie aanklagte, insluitend brandstigting, terrorisme en diefstal. Hy bly in aanhouding tot sy volgende verskyning op die 27e Januarie volgende jaar.
