15 Mei 2023
President Cyril Ramaphosa sê Suid-Afrika sal nie kant kies in die oorlogstryd tussen Oekraïne en Rusland nie.
Ramaphosa sê in sy weeklikse nuusbrief dat daar toenemend druk op Suid-Afrika geplaas is om kant te kies sedert die konflik tussen Rusland en Oekraïne in Februarie 2022 uitgebreek het.
Dit kom nadat Amerika se ambassadeur na Suid-Afrika, Reuben Brigety, tydens ‘n mediakonferensie verlede week beweer het dat Suid-Afrika wapens en ammunisie aan Rusland verskaf het.
LEES OOK: LANDE WAT RUSLAND BEWAPEN IS MEDEPLIGTIG, SÊ ZELENSKI
Ramaphosa meen net omdat Suid-Afrika nie ‘n kant kies nie, beteken nie dat hulle nie ‘n standpunt ingeneem het oor die oorlogsituasie nie.
Volgens hom glo Suid-Afrika steeds in die vreedsame oplossing van konflik deur dialoog. Hy het weer beaam dat Suid-Afrika die bewerings van Brigety sal ondersoek.
Hy meen hy sal nie toelaat dat die regering geboelie word om ‘n keuse te maak nie. Volgens hom beleef ander Afrika-lande dieselfde druk om kante te kies.
