1 Februarie 2023
Die Suid-Afrikaanse regering oorweeg glo om bykans ‘n miljard rand te bestee, op ‘n borgskap vir die Engelse sokkerklub Tottenham Hotspur.
Die voorstel word gedryf deur die minister van toerisme, Lindiwe Sisulu en die Suid-Afrikaanse Toerisme Agentskap.
Dit is glo deel van die agentskap se strategie om mense na Suid-Afrika te lok, om hier te kom reis.
Die Daily Maverick berig dat Sisulu die ooreenkoms voor volgende week se staatsrede wil beklink, sodat president Cyril Ramaphosa dit in die staatsrede kan vermeld. Volgens die nuusdiens sal die borgskap ‘n totale R910,997,814.75 beloop, en sal dit 36 maande duur.
