15 November 2021
Die Suid-Afrikaanse Joodse Raad van Afgevaardigdes is van mening dat die minister van sport, kuns en kultuur, Nathi Mthethwa, se siening oor Suid-Afrika se deelname aan die Mej. Heelal-kompetisie ‘n minderheidsiening verteenwoordig.
Mthethwa het ʼn verklaring uitgereik waarin hy sê dat die regering sy steun aan die Mej. Suid-Afrika-organisasie onttrek ná vrugtelose pogings om die organisasie te oorreed om nié aan die internasionale kompetisie in Desember in Israel deel te neem nie.
Die ANC het egter Mthethwa se aankondiging verwelkom.
Die SAJRA se nasionale direkteur, Wendy Kahn sê die protes teen Lalela Mswane, die huidige Mej. Suid-Afrika, se deelname aan die kompetisie het maar ʼn handjievol aktiviste gelok, en dat ’n peiling wat Donderdagaand deur Newzroom Afrika gedoen is, ’n meerderheid van byna twee teen een ten gunste van haar deelname getoon het.
Stem vir die Aitsa’s
