6 September 2021
Die Suid-Afrikaanse paralimpiese span is op ‘n luisterryke wyse op die OR Tambo Internasionale lughawe, in Kemptonpark verwelkom.
Die span het uit Tokio in Japan terug gekeer met vier goue medaljes, een silwer en twee brons medaljes.
LEES OOK: SUID-AFRIKA KRY SY DERDE MEDALJE BY PARALIMPIESE SPELE
Dit was veral die 19-jarige matrikulant van die Afrikaanse Hoër- Seunskool in Pretoria, Ntando Mahlangu – wat twee goue medaljes verower en ‘n wêreldrekord verbeter het – wat die aandag getrek het toe hy deur sy skoolmaats verwelkom is en hulle die skoollied uit volle bors gesing het.
Die minister van sport, kuns en kultuur, Nathi Mthethwa het bevestig dat die atlete en hulle afrigters ook finansiële prestasie-bonusse sal ontvang.
Hy het vroeër aangekondig dat die wenners van goue medaljes by beide die Olimpiese- en Paralimpiese Spele ‘n bonus van R450 000 sal kry, silwer medaljewenners kry R220 000 en brons medaljewenners kry R100 000.
LEES OOK: PARALIMPIESE SPELE KOM BINNEKORT TOT `N EINDE
Stem vir die Aitsa’s
