17 September 2021
Die liggame van drie jong kinders is in hulle huis in Timaru, buite Christchurch gevind slegs ‘n week nadat die Suid-Afrikaanse gesin na Nieu-Seeland geëmigreer het.
Die New Zealand Herald het intussen die identiteite van die gesin bevestig.
Volgens die publikasie het die pa, dr. Graham Dickason, ‘n dokter gisteraand by die huis aangekom en afgekom op die liggame van sy 7-jarige dogtertjie, Liane asook sy 3-jarige tweelingdogtertjies Karla en Maya.
Die polisiewoordvoerder, Scott Anderson sê ‘n vrou wat hulle glo die kinders se ma, Lauren is, is op die toneel gevind en is sedertdien in die hospitaal opgeneem. ‘n Saak van moord word ondersoek. Hy sê die saak is nog in sy vroeë stadium, maar niemand anders word in verband met die moorde gesoek nie.
Volgens die Herald het die Pretoria-gesin reeds lank beplan om na Timaru te verhuis.
Stem vir die Aitsa’s
