3 Augustus 2022
Die Suid-Afrikaanse vier by 100m wisselslag-aflosspan vir mans kon nie vandag aan die uitdunne van dié item by die Statebondspele deelneem nie nadat daar glo vervoerprobleme ondervind is en die span nie by die swembad kon uitkom nie.
Volgens ‘n woordvoerder van die span is dit nie een van die swemmers se skuld dat hulle nie betyds vir die item opgedaag het nie.
Hoewel besonderhede oor die probleem nie bekend is nie, is ander lande se spanne ook geraak.
Die span van Singapoer het ook nie aan die uitdun – wat deur Australië gewen is – deelgeneem nie.
Die swem-items by die spele loop vandag ten einde.
