7 Maart 2022
Die Jacob Zuma Stigting sê die Russiese president Vladimir Poetin was by volle reg om Oekraïne binne te val.
Die stigting het in ‘n verklaring gesê Rusland word geboelie deur westerse lande, en dat ’n onuithoudbare veiligheidsrisiko geskep sou word, sou Oekraïne deel word van die Noord Atlantiese Verdragsorganisasie (NAVO).
Zuma het ook ’n beroep op Oekraïne se president Wolodimir Zelenski gedoen om sy land se belange voorop te stel eerder as om sy Westerse bondgenote te probeer behaag.
Hy voeg by dat Poetin ‘n man van vrede is, wat hard gewerk het om vrede en stabiliteit in die wêreld te bewerkstellig.
Hy glo Rusland sal op regverdige wyse optree en al sy mag gebruik om vrede ’n werklikheid te maak.
