28 Julie 2022
‘n Man in sy veertigs is dood nadat hy geskok is terwyl hy herstelwerk aan ‘n substasie in Wilro Park in Roodepoort gedoen het.
ER24-paramedici is omstreeks 09:00 vanoggend na die toneel ontbied waar die man naby die substasie gelê het.
Die ER24-woordvoerder, Russel Meiring sê die man het ernstige brandwonde aan sy bolyf opgedoen en was in ‘n kritieke toestand. Hy sê die man is dood net voordat hy per helikopter na ‘n hospitaal geneem kon word.
Plaaslike owerhede ondersoek die omstandighede.
