31 Januarie 2024
Die minister van justisie en korrektiewe dienste, Ronald Lamola het sy kommer uitgespreek oor die gebeure wat vandag uitgespeel het by die landroshof in Groblersdal, Limpopo.
Hy het veral te velde getrek oor die vertoon van die Vierkleur vlag. Die Vierkleur is ’n vlag wat gebruik is deur die ou boererepubliek van die Transvaal.
Lamola sê die vlag verteenwoordig ’n era van kolonisering en apartheid, wat lank reeds verby is.
“Die vlag het geskiedkundige waarde, maar dit dra ook konnotasies van ’n tyd toe swart mense van basiese regte ontneem was” het Lamola gesê.
Hy sê individue wat die Vierkleur vlag vertoon verwerp die kernwaardes van demokrasie, gelykheid en die Grondwet.
Lamola stel die vertoon van die Vierkleur gelyk aan die vertoon van die ou landsvlag, en sê dit moet nie berdra word nie.
Die departement van justisie en korrektiewe dienste sê hy sal ook die Suid Afrikaanse Menseregtekommissie nader oor die vertoon van die Vierkleur.
