13 Januarie 2023
Terwyl kritiek vanuit alle oorde instroom oor die Nasionale Energiereguleerder, Nersa se aankondiging dat hy ‘n 18.65% tariefverhoging in elektrisiteitspryse in die 2023/24 boekjaar gaan toelaat, sê president Cyril Ramaphosa dat hy bewus is van Suid-Afrikaners se kragpyne.
Ramaphosa sê Eskom het geld nodig om sy werk behoorlik te doen.
Terwyl die Solidariteitbeweging met verbruikersprotes dreig, het die premier van die Wes-Kaap, Alan Winde gesê hy is diep teleurgesteld in Nersa se besluit.
Die Organisasie teen belastingmisbruik, OUTA sê met ‘n verhoging van 18.65% in April – en nog ‘n verhoging van 12.74% aanstaande jaar – is daar geen kans vir verbruikers om van dié spiraal van uitermatige besteding te ontsnap nie.
Volgens die burgerregte-organisasie, AfriForum, is die nasionale en provinsiale departemente net so aandadig aan die kragkrisis as wat munisipaliteite is en moet die kabinet dringend antwoorde verskaf.
Verskeie politieke partye – soos ActionSA en die VF Plus – het die besluit veroordeel en vra hulle vir dringende oplossings
