22 September 2022
Die tennisster, Roger Federer sal môreaand (23 September) deelneem in sy heel laaste tenniswedstryd van sy professionele loopbaan saam met Rafael Nadal in ‘n dubbelswedstryd.
Die Switserse speler het op 15 September sy aftrede aangekondig en sê hy sal net in een laaste dubbelspel deelneem as deel van die Laver Beker in Londen so O2 arena. Federer het vroeër vandag bevestig dat hy gekies het om sy laaste wedstryd saam met die 36-jarige Spanjaard, Nadal te speel.
Dié twee het al meer as 40 keer mekaar die stryd aangesê.
“As mededingers het ons nog altyd groot respek vir mekaar, ons families en afrigters gehad en kom baie goed oor die weg,” het Federer oor sy spanmaat vir môreaand gesê.
Federer het al 20 Grand Slam-enkelspelkampioenskappe gewen. Hy het in 2003 sy eerste Grand Slam by Wimbledon gewen.
