1 September 2023
Die lewelose liggaam van ‘n man in sy twintigs is in die Knysna-riviermond gevind, nadat sy kano omgeslaan het tydens die springgety wat die afgelope week deur die super-bloumaan veroorsaak is.
Hy het vermoedelik tussen Ashmead-kanaal langs Kathy Park visgevang toe die kano omgeslaan het.
SANParke sê nóg ‘n man wat probeer het om die hengelaar te red, het ook in die moeilikheid beland, maar kon gered word moes in die hospitaal opgeneem word vir behandeling.
Die parkbestuurder vir die Knysna-afdeling van die Tuinroete Nasionale Park, Pat Bopape sê lede van die polisie se duikeenheid, die Nasionale Seereddingsinstituut en bewaarders van SANParke was by die reddingspoging van die een slagoffer betrokke en het ook gehelp om die ander slagoffer se liggaam uit die water te haal.
