25 Junie 2024
Die Grensbestuursowerheid gaan begin om mense vir a-pokke by die land se grensposte te toets.
Die departement van gesondheid het vroeër aangekondig dat 13 bevestigde gevalle van a-pokke al in Suid Afrika aangemeld is, sowel as twee sterftes. Daar kan volgens berigte tot 20 gevalle in Gauteng wees, maar die gesondheidsdepartement wag nog vir bevestiging.
Die woordvoerder van die Grensbestuursowerheid, Mmemme Mogotsi sê beamptes is opdrag gegee om op die uitkyk te wees vir reisigers wat moontlike simptome van a-pokke toon.
Dit sluit lughawens in.
Reisigers wat simptone toon en onlangs na lande gereis het waar a-pokke voorkom, sal na gesondheidsfasiliteite geneem word.
