7 September 2023
Die minister van finansies, Enoch Godongwana het erken dat die regering se pogings om werkloosheid op te los “nie so doeltreffend is soos wat dit kan wees nie”.
Die regering het die laaste jare verskeie werkskeppingsprojekte gedryf, maar Godongwana sê dit moet krities ondersoek word of die doel daarvan behaal is.
Hy het gesels by die opening van die jaarlikse konferensie oor openbare ekonomie.
Statistieke Suid-Afrika (SSA) het verlede maan aangekondig dat die werkloosheidskoers tans op 32,6% staan. As ontmoedigde werksoekers ingesluit word, styg dit tot 42,1%
Godongwana sê miljoene werklose Suid-Afrikaners is ‘n krisis wat dringende optrede vereis van almal in die samelewing.
