23 September 2022
Die minister van vervoer, Fikile Mbalula, sê die regering oorweeg dit om 10% van die vrag wat met vragmotors vervoer word na spoorvervoer te verskuif.
Dit is een van die oplossings wat deur die regering oorweeg word in ‘n poging om vragmotorverwante padongelukke te verminder.
LEES OOK: OPVOLG: VRAGMOTORBESTUURDER BLY IN AANHOUDING NA PONGOLA-BOTSING
Mbalula het gister onthul dat nalatige bestuur die oorsaak was van die gru-ongeluk wat ‘n week gelede op die N2 naby Pongola, in Kwa-Zulu Natal plaasgevind het.
Agtien leerlinge, een onderwyser en die bestuurder van die bakkie waarin hulle gereis het, het tydens die ongeluk omgekom.
LEES OOK: “PONGOLA-VRAGMOTORBESTUURDER RY 1,2 KM IN TEENOORGESTELDE BAAN,” BEVIND VERSLAG
Die 28-jarige vragmotorbestuurder, Sibusiso Siyaya, het volgens ‘n ongeluksverslag vir ongeveer 1-komma-2-kilometer in die aankomende baan bestuur voordat hy die bakkie getref het.
