26 Augustus 2022
Die Suid-Afrikaanse regering het die afgelope twee jaar R130-miljoen betaal aan staatsamptenare wat by die huis sit omdat hulle geskors is.
Die minister van openbare indiensneming en administrasie, Thulas Nxesi het die inligting vandeesweek bekend gemaak in ‘n antwoord op ‘n parlementêre vraag.
In die 2020/ 2021, en 2021/ 2022-boekjare is 1062 staatsamptenare steeds hulle salarisse betaal terwyl hulle geskors is. Volgens Nxesi sluit dit egter nie geskorste amptenare in van die departement van verdediging en staatsveiligheid nie.
Volgens hom is die amptenare vir ‘n gemiddeld van 86 geskors wat beteken dat drie maande se salarisse betaal is vir geen werk wat gedoen is nie. Hy wou nie bevestig hoeveel van die mense op die uiteinde afgedank is nie.
Luidens ‘n berig deur BusinessTech is daar in die 2021/ 2022-boekjaar op ‘n nasionale vlak 380 mense geskors, vir ‘n gemiddelde 64 dae. Dit het die regering meer as R31-miljoen gekos.
Data: BusinessTech
