10 November 2022
Die Suid-Afrikaanse Nasionale Redakteursforum (SANEF) wil by die ANC weet waarom hy dit nodig ag om mediahuise te vra om te betaal om sy leierskapskonferensie by te woon.
Sanef wil met die ANC vergader oor die voorstel.
Die ANC woordvoerder Pule Mabe sê dit is nie ‘n geldmaakskema nie, en die party wil slegs hê dat ‘n gedeelte van die koste om die leierskapskonferensie te hou, betaal word deur diegene wat dit bywoon.
Mabe sê dit is geen geheim dat die ANC in ‘n finansiële verknorsing is nie, en het daarop gewys dat hy selfs sukkel om personeel se salarisse te betaal.
Die party sal glo teen die einde van die week sy pakette vir mediahuise finaliseer.
Volgens ‘n berig deur TimesLive sal diégene wat meer spasie en beter geriewe benodig, soos televisiestasies, meer moet betaal.
Foto: Polity.org
