23 Maart 2023
Die liggaam van ‘n 59-jarige sakeman van Randfontein is gevind nadat hy sedert Dinsdag, 21 Maart vermis was.
Leon Hefer se liggaam is gisteraand op ‘n vullishoop in Ivory Park, Tembisa gevind, en is vanoggend deur familielede uitgeken.
‘n Private veiligheidsmaatskappy, wat met die soektog gehelp het, het bevestig dat Hefer dood gevind is.
Volgens die maatskappy wil dit voorkom asof hy met ‘n skerp voorwerp oor die kop geslaan is.
Die Ranfontein Herald het gister berig dat Hefer gistermiddag om 13:00 die laaste keer gesien is by ‘n vulstasie in Randgate.
