9 Desember 2021
Die kabinet het die nasionale ramptoestand weereens verleng tot die 15de Januarie.
Dit te midde van die vierde vlaag van Covid-19 infeksies, en die moontlikheid van strenger inperkings wat op Suid-Afrikaners wag.
Die minister in die presidensie, Mondli Gungubele het vroeër vanoggend terugvoer gegee oor die kabinetsvergadering wat gister gehou is.
Hy kon nie meer inligting verskaf oor wanneer president Cyril Ramaphosa weer die land moontlik kan toespreek nie, en sê die nasionale koronavirus bevelsraad moet eers vergader voor daar enige aankondiging gemaak sal word.
Hy het wel bygevoeg dat die regering nie inperkings wil instel nie, maar dat hy nie kan sê of dit wel gaan gebeur of nie.
