28 November 2023
President Cyril Ramaphosa wil hê dat Suid-Afrikaners boodskappers moet wees en die ANC-regering se goeie storie vertel – eerder as om kwaad te praat en die land sleg te maak.
Ramaphosa het dié wens uitgespreek nadat hy na insette en kritiek geluister het tydens ‘n vergadering van belanghebbendes in Durban, waar uiteenlopende gemeenskappe dieselfde boodskap van wanhoop aan hom oorgedra het.
In reaksie hierop het Ramaphosa gesê Suid-Afrikaners moet meer soos die Sjinese wees waar elke inwoner ‘n boodskapper vir hul land is – en nooit sleg praat van hul eie land nie.
Terwyl hy hul bydraes verwelkom het, op sommige gereageer het en sy dankbaarheid uitgespreek het vir hul betrokkenheid, het Ramaphosa sy afkeur uitgespreek oor dit wat hy as ernstige skewe openbare kritiek op die regering genoem het.
