13 Februarie 2025
President Cyril Ramaphosa sê hy verwelkom die debat oor die besluit van die Suid Afrikaanse Nasionale Weermag (SANW) om betrokke te raak by die oorlog in die Demokratiese Republiek die Kongo (DRK).
Ramaphosa lewer vandag repliek op die debat oor sy staatsrede. Hy sê Suid Afrika sal doen wat nodig is om vrede te bewerkstellig in die DRK.
Ramaphosa het bygevoeg dat dit nodig is dat vredesgesprekke en onderhandelings tussen state, sowel as die M23 rebellegroep moet hervat.
Honderde Suid-Afrikaanse soldate is glo krygsgevangene geneem deur die rebellegroep.
Ramaphosa het ook intussen weer hulde gebring aan die 14 soldate wat in die DRK dood is. Hulle liggame sal om 18:00 vanaand aan die families oorhandig word. Hy meen besluite om die weermag te ontplooi word nie ligtelik opgeneem nie.
