28 Oktober 2024
President Cyril Rampahosa het in sy weeklikse nuusbrief geskryf, dat sneltreine – om die lang afstande tussen Suid-Afrika se stede vinniger af te lê – steeds deel is van die regering se planne vir openbare vervoer.
Volgens Ramaphosa word daar vordering gemaak om die land se spoornetwerk reg te ruk om dit weer die ruggraat van die vervoer van mense en goedere in die land te maak.
Die president meen doeltreffende, veilige en bekostigbare vervoer van mense en goedere is noodsaaklik om die regering van nasionale eenheid se topprioriteite van ekonomiese groei en werkskepping te verwesenlik.
Ander RNE-topprioriteite is glo om armoede te verminder, die hoë lewenskoste te takel en om ’n bekwame ontwikkelingstaat te bou.
