6 Maart 2023
Die Suid-Afrikaanse Inkomstediens kon geen rekord vind dat die Soedanese sakeman, Hazim Mustafa, die 580-duisend Amerikaanse dollar wat hy in Desember 2019 die land ingebring het om ‘n buffel by president Cyril Ramaphosa te koop verklaar het nie.
Die kontant is later in Februarie 2020 tydens ‘n diefstalvoorval op Ramaphosa se Phala Phala-plaas gesteel.
Ramaphosa word daarvan beskuldig dat hy dié diefstal verdoesel het.
Die leier van die DA, John Steenhuisen, het in Desember verlede jaar ‘n aansoek ingevolge die Wet op die Bevordering van Toegang tot Inligting by die SAID ingedien om vas te stel of die buitelandse valuta verklaar is.
Fotokrediet: Cornél van Heerden – Foto24
