21 Julie 2023
Die finale verslag oor die ondersoek na die Russiese vragskip, Lady R, sal oor twee weke aan president Cyril Ramaphosa oorhandig word.
Ramaphosa se woordvoerder, Vincent Magwenya, het bevestig dat die onafhanklike paneel, onder leiding van oud-regter Phineas Mojapelo, sy ondersoek vroeër vandeesweek afgehandel het.
Die Organisasie teen Belastingmisbruik, Outa, het intussen sy stem gevoeg by dié van die DA en die VF Plus en eis dat die verslag openbaar gemaak word.
Die ondersoek kom nadat die Amerikaanse ambassadeur in Suid-Afrika, Reuben Brigety, vroeër vanjaar beweer het at Suid-Afrika wapens en ammunisie op ddie Lady R-vragskip aan Rusland verskaf het.
Die regering het dit ten sterkte ontken en beweer dat die verslag daaroor geheim moet bly, aangesien dit op nasionale veiligheid betrekking het.
