Ramaphosa en ander politieke leiers betreur David Mabuza se dood

Huldeblyke stroom ook sedert die bekendmaking van Mabuza se dood in. t g

Die GOOD-party se leier en die minister van toerisme, Patricia de Lille, vertel in haar huldeblyk dat sy tussen 2018 en 2023 saam met Mabuza in die sesde administrasie gedien het. Sy onthou hom as ’n uitstaande voorsitter van interregeringsforums en dat sy vergaderings ten alle tye gekenmerk was aan stiptheid, duidelikheid van doel en uitkomste. De Lille sê sy’t persoonlik sy respek vir tyd bewonder en dat dit ’n  eienskap is waaruit almal in die staatsdienssektor kan leer.

Die president van ActionSA, Herman Mashaba het sy medelye betuig teenoor Mabuza se familie, vriende en geliefdes. Mashaba sê Mabuza het in verskeie politieke rolle gedien, insluitend as premier van Mpumalanga en uiteindelik as adjunk-president, en het gesê sy bydraes tot en invloed in die politieke landskap het oor dekades gestrek wat ’n blyende indruk sal laat.

Die nasionale partyleier van RISE Mzansi, Songezo Zibi, het Mabuza in SY boodskap van medelye as vryheidsvegter, gesoute politikus en vakbondman beskryf.