28 Augustus 2024
President Cyril Ramaphosa se woordvoerder, Vincent Magwenya sê die president eis ‘n volledige verslag van die minister van justisie en grondwetlike ontwikkeling, Thembi Simelane, oor die VBS-korrupsiebewerings teen haar.
Verskeie politieke partye en nie-regeringsorganisasies eis haar kop nadat dit aan die lig gekom het dat sy ‘n lening van meer as ‘n half-miljoen-rand bekom het van ‘n organisasie wat onwettig beleggings by die VBS-bank bemiddel het.
Magwenya sê Ramaphosa het met kommer kennis geneem van die bewerings en wil – behalwe vir die verslag – ook ‘n inligtingsessie met Simelane belê oor die aangeleentheid.
As minister van justisie hou Simelane toesig oor die NVG – wat aktief betrokke is by die ondersoek van die ineenstorting van VBS Bank en die vervolging van diegene wat daarvoor verantwoordelik was.
