20 Mei 2024
President Cyril Ramaphosa het sy medelye met Iran uitgespreek nadat dié land se staatshoof, Ayatollah Ebrahim Raisi (63) in ‘n helikopterongeluk dood is.
Die minister vir buitelandse kwessies, Hossein Amir-Abdollahian en ander personeel is ook in die ongeluk dood. Volgens voorlopige berigte het digte mis tot die ongeluk gelei. Die groep was op pad terug na Iran van ’n besoek aan Azerbeidjan.
Ramaphosa sê die voorval is ‘n buitengewone, ondenkbare tragedie wat ’n merkwaardige leier geëis het.
Hy sê onder Raisi se leiding het die land sterk bilaterale betrekkinge met Suid-Afrika opgebou.
Ramaphosa het Iran in 2015 as adjunkpresident besoek en in 2023 vir Raisi verwelkom by ‘n beraad van die BRICS-groep in Johannesburg, waar dié Islamitiese republiek formeel genooi is om aan te sluit.
