2 September 2022
Die Suid-Afrikaanse raad van opvoeders – SACE – ondersoek die omstandighede rakende die dood van ‘n 15 jarige leerling in graad 9 van die PJ Simelane Sekondêre Skool in Dobsonville, Soweto.
Volgens berigte het Tiro Moalusi sy eie lewe geneem. Die Menseregtekommissie ondersoek ook die gebeure.
Die departement van onderwys in Gauteng beweer dat die kind glo afgeknou is deur ‘n studente onderwyser weens sy seksuele orïentasie.
Volgens die departement se woordvoerder, Steve Mabona is die onderwyser intussen geskors en ‘n beampte van SACE is aangestel om die saak te ondersoek.
Volgens Mabona is ‘n veiligheidskoõrdineerder na die skool gestuur om kwessies soos afknouery onder die loep te neem.
Die hoof van die MRK in Gauteng, Buang Jones sê die kommissie ondersoek ook die gebeure en sal bepaal of daar ‘n verbintenis is tussen Moalusi se selfdood en die gebeure by die skool.
