ActionSA sê hy is geskok om te verneem dat die regering in die vorige boekjaar, R3,45-miljard op sy diplomatieke diens bestee het.
Die geld is gebruik om Suid-Afrika se 115 ambassades, hoë kommisariate, en konsulate wêreldwyd te bestuur. Die leier van ActionSA, Herman Mashaba meen die regering se diplomatieke diens blyk om ongefokus en buitensporig te wees.
Die departement van internasionale betrekkinge en samewerking het in antwoord op ‘n parlementêre vraag van ActionSA bevestig dat R950-miljoen in die 2023/2024-boekjaar in Afrika bestee is, R900-miljoen in Asië en die midde-ooste, R813-miljoen in Europe, en R465-miljoen in die Amerikas. R325-miljoen is bestee aan internasionale regering, en multilaterale diplomatieke dienste.
Volgens Mashaba is daar vir hierdie dienste betaal sonder dat daar ‘n stelsel is om die koste-effektiwiteit hiervan te bepaal.
Volgens hom word ‘n groot hoeveelheid geld bestee aan lande waar daar min tot geen strategiese- en handelsooreenkomste is. In Bangui, in Sentraal-Afrika, is R25,7-miljoen bestee.
Nouakchott (Mauritania) het R16,1-miljoen van belastingbetalers se geld gekos, gevolg deur Malabo (Ekwatoriaal-Guinee) wat nagenoeg R15,6-miljoen gekos het.
Mashaba sê verder dat daar in elf lande twee of meer ambassades is, wat ‘n duplisering van dienste kan beteken.
