Die minister van vervoer, Barbara Creecy het in antwoord op ‘n parlementêre vraag gesê dat die land – sedert die 2022/2023-boekjaar – meer as R16-miljoen aan instandhouding op Suid-Afrika se enigste rybewysdrukker bestee het.
Sy het ook genoem dat die masjien sedert 1998 in bedryf is en dat daar die afgelope drie jaar al 129 werksdae verlore gegaan het wat die masjien buite werking was.
Volgens die minister is vier beamptes nodig om die masjien te bedryf en is daar ‘n bykomende R1,4-miljoen aan dié beamptes se salarisse bestee – in die tyd wat die masjien nie in bedryf was nie.
‘n Verslag van die Padverkeersbestuurkorporasie in 2022 het bevind dat dié masjien reeds in 2009 vervang moes word.
