13 Desember 2024
Het jy geweet dat Suid-Afrika ‘n nuwe era van mobiliteit binnegaan? WANATU is die eerste Afrikaanse e-vervoerdiens, wat mense maklik en vinnig van punt A na punt B vervoer.
Met ‘n onwrikbare fokus op veiligheid, gemak en betroubaarheid, het WANATU dit tot hul missie gemaak om nie net effektiewe vervoer aan die gemeenskap te bied nie, maar ook om te verseker dat elke rit – of dit ‘n skoolrit of werksrit is – met totale gemoedsrus voltooi word.
Het jy óók geweet dat WANATU dié Maandag, 16 Desember, ritte sal onderneem na en van die Voortrekkermonument in Pretoria waar die jaarlikse Geloftedagvieringe sal plaasvind.
Die Huis Toe-span, Anton Meijer en Elsa Esterhuizen het gister, 12 Desember, dié rit op die proef gestel, en is na die Voortrekkermonument geneem waar hulle uitgesaai het. Die Voortrekkermonument het tydens die uitsending gesê dat hulle duisende mense Maandag by die monument verwag.
Om hierdié rede is WANATU perfek as jy die lang toue en die gesoek na ‘n parkeerspasie wil misloop.
WANATU het op 28 Oktober 2024 sy deure amptelik geopen, en doen tans diens in Centurion en Pretoria.
Om gemeenskapsondersteuning te versterk en die weerbares by te staan, word R2.00 van elke rit aan die liefdadigheidsorganisasie Solidariteit Helpende Hand geskenk.
Volgens JP le Riche, Direkteur van WANATU, is die kwaliteit en betroubaarheid van die WANATU-drywers van kardinale belang.
“Elke drywer is vriendelik, bedagsaam, en het, bo alles, respek vir ander mense. Elke kliënt word gerespekteer en so hanteer,” meen Le Riche.
WANATU is trots om te sê dat sy dienste veilig is, en dat alle voertuie toegerus is met ‘n paniekknoppie, tweerigting-radio-stelsel, opsporingstoestelle, paneelbordkameras en regstreekse binnekajuit- en buitekajuitkamera-monitering.
WANATU monitor elke rit aktief vanuit ‘n beheerkamer en bied ekstra ondersteuning aan kliënte.
Mejer het na afloop van die rit gesê:” Dit was ‘n aangename ervaring om van WANATU se dienste gebruik te maak. Ons drywer, Dieter was baie professioneel en die voertuig was netjies en skoon. As ek my ervaring in een woord moes opsom, sal dit “gemoedsrus” wees.
Vir meer inligting oor WANATU, of om te registreer vir die diens, besoek gerus hul webwerf by www.wanatu.co.za. Laai gerus hul toepassing af op die Google Play Store, Apple App Store of Huawei App.
