9 April 2021
Die DA het met ‘n projek begin om Pretoria se erfenisterreine te herbesoek met die oog daarop om dié erfenisgebiede op te knap.
Volgens die DA-raadslid, Francois Bekker sal die party eersdaags ‘n petisie aan die Gauteng Provinsiale Regering oorhandig om die beskerming van ons erfenis ‘n prioriteit te maak.
Bekker sê DA-aktiviste het ook reeds begin om self hul moue op te rol om ook inwoners van die stad aan te moedig om betrokke te raak.
Bekker meen vir te lank is die bewaring van sulke kultuurhistoriese bakens of as vanselfsprekend aanvaar, of bloot geïgnoreer.
Volgens hom is die Koppies Monument in Wonderboom-suid vandag besoek en sal die party ook volgende week die Komjekejeke kulturele dorp besoek.
