30 September 2022
‘n Australiese vrou, wat slegs bekend staan as Missy Robinson vra tot R24 000 om met vreemdelinge lepel te lê en noem haarself ‘n lepellê-terapeut.
Die vrou het in ‘n onderhoud aan ‘n plaaslike koerant gesê dat daar bewyse bestaan dat fisiese aanraaking ‘n positiewe verskil aan mense se lewens kan maak. Sy sê dat haar dienste slegs drukkies en lepellê (cuddle) insluit.
Volgens die berig onderteken haar kliënte ‘n dokument wat vasstel dat sy hulle slegs sal vertroetel. Die koste van die dienste begin by $100 (R1800) en kan soveel beloop as $1300 of nagenoeg R24 000.
Die vrou sê in die onderhoud dat daar geen geestesgesondheidtoestand by haar gediagnoseer is nie, en meen sy doen uit haar liefde vir ander mense.
Sy sê een van haar kliënte ly aan post-traumatiese stressindroom (PTSD) weens ‘n oorlog waarin hy moes veg. “Ons sit op die bank, cuddle en kyk televisie. Dit help hom om die spanning te hanteer.”
