21 Mei 2024
Die OR Tambo Internasionale Lughawe in Johannesburg sukkel weer met die hantering van bagasie.
Die Lughawensmaatskappy Suid-Afrika (ACSA) het passasiers ingelig dat die lughawe tans netwerk-verwante probleme ervaar met sy bagasiehanteringstelsel in die binnelandse terminaal, en dat die bagasie per hand gesorteer moet word.
Volgens ACSA kan reisigers vertragings ervaar, terwyl hulle probeer om die netwerk probleem op te los.
Volgens die maatskappy is die probleem net beperk tot plaaslike vlugte. Passasiers word aangeraai om vertragings in ag te neem wanneer hulle reisplanne maak.
