Pretoria: “Onluste sporadies”

13 Julie 2021

Die burgemeester in die Tshwane-metro, Randall Williams het die plundery van inkopiesentrums in Mamelodi ten sterkste veroordeel.

Volgens hom is wetstoepassers op hoë gereedheidsgrondslag.

Hy sê die Tshwane-metropolisie het hul gewig agter die polisie gegooi in hul pogings om grootskaalse verwoesting van eiendomme te verhoed. Williams sê dit blyk asof veral die Denlyn en Mamelodi-inkopisentrums gisteraand deur plunderaars geteiken is.

LEES OOK: BHEKI CELE: MENSE SÁL VERVOLG WORD TE MIDDE VAN GROOTSKAALSE PLUNDERY

“Die plundering was sporadies, met elke moontlike lid wat ingespan is om wet en orde te herstel,” het Williams gesê.

Volgens hom is dit verblydend dat talle gebiede in Pretoria nog nié geraak is nie, maar meen hoë sigbaarheid sal steeds in gebiede soos Mamelodi, Soshanguve, Ga-Rankuwa, Atteridgeville en die middestad gehandhaaf word, waar die situasie as gespanne beskryf word.