13 April 2023
Pretoria FM se besturende direkteur en voorsitter van die direksie, Willie Spies se prokureursfirma, Hurter Spies Ingelyf vier vandag sy 15de bestaansjaar.
Spies het die maatskappy in 2008 saam met Johan Hurter gestig.
Spies was in daardie jare ‘n parlementslid, terwyl Hurter ‘n vennoot by ‘n prominente regsfirma in Pretoria was.
Hurter Spies het vinnig naam gemaak met ‘n suksesvolle aansoek na die Noord Gauteng Hooggeregshof sowel as die Grondwethof in Februarie 2009 om te verseker dat Suid-Afrikaners in die buiteland steeds kan stem in nasionale verkiesings.
‘n Funksie is vanaand, 13 April by die Soltech Kampus in Pretoria gehou om dié mylpaal te vier.
