3 September 2021
President Cyril Ramaphosa het die minister van polisie, Bheki Cele se optrede tydens die onluste in KwaZulu-Natal en Gauteng verdedig.
Hy beantwoord vanoggend parlementslede se vrae in die parlement.
President Ramaphosa se reaksie op Cele se optrede kom nadat die leier van die DA, John Steenhuisen aangevoer het dat die minister slegs toegekyk het na wat om hom besig was om te gebeur. Honderde winkels en pakhuise is in Julie in die twee provinsies gevandaliseer en geplunder.
Steenhuisen meen die polisie en die minister het toegelaat dat die onluste totaal buite beheer raak. Hy sê die president het slegs een keer KwaZulu-Natal vir 2 ure besoek. Volgens hom blameer Cele slegs die Indiese gemeenskap van Phoenix, wat reg in eie hande moes neem om hulle eiendom te beskerm.
President Ramaphosa sê hy het beperkte tyd gehad en kon nie alle gebiede besoek nie. Volgens hom was hy tevrede met Cele en wetstoepassers se optrede. Hy meen Cele is juis die een persoon wat die verskillende gemeenskappe in Phoenix wou herenig.
Stem vir die Aitsa’s
