14 Julie 2023
Franse owerhede het onthul dat ‘n afgekapte vingerpunt vroeër vandeesweek in ‘n skrywe aan die presidensiële paleis in Frankryk gestuur is.
Personeellede van die Franse president, Emmanuel Macron, het op dié vingerpunt afgekom en die voorval aan owerhede gerapporteer.
AFP berig dat daar in die stadium vermoed word dat die vingerpunt behoort aan die persoon wat die brief gestuur het.
Macron het ‘n toegewyde span wat briewe wat aan die paleis gestuur word monitor.
Luidens berigte word daar daagliks tussen 1000 en ‘n 1500 briewe of e-posse aan die president gestuur.
