31 Desember 2021
Die minister in die presidensie Mondli Gungubele het vanoggend ‘n mediakonferensie gehou waarin hy bevestig het dat president Cyril Ramaphosa Dinsdag (4 Januarie) die Zondo-kommissie van ondersoek na staatskaping se verslag sal ontvang.
Die president sal eers die eerste deel van die verslag ontvang.
Volgens Gungubele sal die verslag nie dadelik aan die publiek beskikbaar gemaak word nie.
Hy sê die president het dan tot Junie 2022 kans om dié verslag aan die parlement voor te lê. Volgens Gungubele is hulle nog onseker oor wat die strawwe teen die skuldiges sal wees.
Volgens die Zondo-kommissie was hulle gereed om reeds vandag die verslag te oorhandig, maar uit respek vir die ontslape emeritus aartsbiskop, Desmond Tutu besluit hulle om eers daarmee te wag.
