11 Mei 2023
Die presidensie het bevestig dat ‘n onafhanklike ondersoek gedoen sal word na die bewerings dat Suid-Afrika ammunisie en wapens aan Rusland verskaf het.
Dié ondersoek sal na verwagting deur ‘n afgetrede regter gelei word.
Luidens ‘n verklaring deur die presidensie neem hulle met kommer kennis van die bewerings wat die Amerikaanse ambassadeur na Suid-Afrika, Reuben Brigety, gemaak het.
Volgens die presidensie ondermyn dié bewerings van Brigety die gees van samewerking en vennootskap tussen Suid-Afrika en Amerika.
Dít omdat ‘n Suid-Afrikaanse afvaardiging en Amerikaanse amptenare reeds die aangeleentheid bespreek het en onderneem het om ‘n ondersoek daarna tyd te gee om afgehandel te word.
Intussen sê die betuurshoof van Solidariteit, dr. Dirk Hermann dat die bewerings baie ernstig van aard is.
Hy meen die feit dat die regering dit ondersoek en nie ontken nie is uiters kommerwekkend. Volgens Hermann kan die gebeure ernstige werksverliese tot gevolg hê.
