28 April 2023
Die afrigters van twee Amerikaanse rugbyspanne is geskors nadat hulle tydens ‘n rugbywedstryd in die Mount Vernon Memorial-stadion met mekaar handgemeen geraak het.
Major League Rugby (MLR) het in ‘n verklaring aangekondig dat Houston se Suid-Afrikaanse afrigter, Pote Human en Ollie Richardson vir ses weke geskors is, nadat klappe en vuishoue uitgedeel is tydens verlede naweek se wedstryd.
Die voorval is op beeldmateriaal vasgevang. Human en Richardson sal eers weer op 18 Junie toegelaat word op die rugbyveld, en hulle moet ook ‘n boete betaal en gemeenskapsdiens voltooi.
Human het hom glo vererg nadat Richardson van sy [Human] spanlede berispe het.
