16 Maart 2023
‘n Poolse vrou wat aanvoer dat sy die vermiste Madeleine McCann is, het drie stelle DNS-monsters gegee vir ontleding en vergelyking.
Die 21-jarige, Julia Faustyna sê sy het dieselfde spikkel in haar oog en sproet op haar been as wat Madeleine gehad het.
‘n Privaat-ondersoeker, Dr. Fia Johansson sê indien die monsters ooreenstem met die algemene bevolking s’n – vanwaar McCann se ouers vandaan af kom – sal hulle dit met die Portugese polisie deel.
Volgens die Ierse nuusdiens, die Irish Mirror, beskik hulle oor bewyse dat Faustyna wél die slagoffer van ‘n kinderhandelsindikaat was.
McCann – toe 3 jaar oud – het in 2007 tydens ‘n gesinsvakansie in Portugal verdwyn.
