29 Februarie 2024
Die Onafhanklike Verkiesingskommissie, (OVK) het vroeër vandag sy kwartaallikse verslag van Oktober tot Desember bekend gemaak oor die befondsing van politieke partye.
Die OVK sê daar was ‘n bestendige toename in die waarde van skenkings wat vir die derde kwartaal bekend gemaak is.
Sewe politieke partye het skenkings verklaar.
Rise Mzansi het nagenoeg R16,7-miljoen verklaar, gevolg deur ActionSA se byna R14-miljoen en die ANC se R10-miljoen.
Vierde was BOSA met R8,5-miljoen se skenkings, die PA se net meer as R7-miljoen, die DA het R2,6-miljoen en die IVP het R191 000 in skenkings ontvang.
Die totale waarde van verklaarde skenkings in die derde kwartaal was net meer as R59-miljoen.
