10 Mei 2023
Die VF Plus sê op sy aandrang het politieke partye vandag hul onderskeie regsmening oor die Nasionale Gesondheidsversekering ingedien en voorgelê aan die parlement se portefeuljekomitee oor gesondheid.
Die party se woordvoerder oor gesondheidsake, Philip van Staden sê in ʼn stemming hieroor het die DA en die EFF saam met die VF Plus gestem en die wetsontwerp verwerp.
Die IVP en die ANC het dit gesteun en gevolglik die meerderheidstem in die komitee gehad.
Hierdie stap het gevolg nadat die VF Plus in Maart vanjaar uit die portefeuljekomitee van gesondheid gestap het nadat politieke partye nie die geleentheid gegun is om hul eie regsmenings oor die NGV in te win nie.
Die komitee het ‘n week later sy besluit omgekeer.
Van Staden sê volgens hulle regsmening is die voorgestelde wetgewing – in sy huidige formaat – ongrondwetlik.
