13 April 2021
‘n 37-jarige polisiesersant van Tweespruit in die Vrystaat is in hegtenis geneem nadat hy na bewering sy vriendin verkrag het.
Volgens die woordvoerder van die Onafhanklike polisieondersoekdirektoraat, oftewel Opod, Ndileka Cola het die voorval na bewering gister by die vrou se huis plaasgevind.
Sy sê die vrou het ‘n klag van verkragting teen die sersant by die Tweespruit-polisiekantoor aanhangig gemaak.
Hy is tans in polisie-aanhouding en sal na verwagting môre in die hof verskyn.
