7 Augustus 2023
Die Suid-Afrikaanse polisie het sy ouderdomsbeperking vir nuwe rekrute tot 35 jaar verhoog.
Dié beperking was voorheen 30 jaar.
Die aankondiging is die naweek deur die adjunk-minister van polisie, Cassel Mathale, gemaak tydens die polisie se nasionale loopbaan-uitstalling naby Oos-Londen in die Oos-Kaap.
Die aankondiging volg te midde daarvan dat die polisie gereed maak vir die werwing van sy volgende 10 000 rekrute vir die 2024-’25-boekjaar.
Die polisiewoordvoerder, brigadier Athlenda Mathe, sê die aanpassing van die ouderdomsbeperking is gedoen ingevolge die Nasionale Jeugkommissiewet, wat die jeug definieer as iemand tussen die ouderdom van 15- en 35 jaar oud.
Die polisie se topbestuur het in November verlede jaar bekend gemaak dat daar ’n tekort van meer as 80 000 bykomende polisielede is. Dit is glo weens die krimpende staatskoffer.
Foto: Power FM
